माझ्या अत्यांच्या पावलांनी
माझ्या अत्यांच्या पावलांनी
अत्यांच्या पावलांनी
गतकाळ घरी येतो
स्मृतींचे बोट धरुनीं
माहेरी विसावतो ॥
अत्यांच्या आठवासंगे
आम्ही चिंब नाहतो
तिच्या शब्दचित्रासह
स्मृती सरितेत वाहतो ॥
अत्यांच्या आठवणी
चहुबाजूंनी उतू जातात
डोळ्यांसमोर क्षणांच्या
मैफिली रंगवितात ॥
बाप जरी गेला
काही वर्षापूर्वी
आत्यांच्या पाठी दिसते
त्याची सावली खरी ॥
माझा बाप असता तर
कशी असती पाठवण ?
कसा वागला बोलला
स्मरते पार्श्वभूमी आठवण ॥
असे प्रश्न सदा
भोवती गुंज करतात
माझ्या मनांतरी
प्रश्नचिन्हं उमटतात !
अत्यांच्या असण्याने
बापाचे जीवंत होणे
तिच्या वागण्या बोलण्यात
बापाचे अस्तीत्व प्रकटणे ॥
आत्याच्या चेहऱ्यावर
भूतकाळाची स्मरणे
तिच्याच्या शब्दात
काळाचे सहज विरणे ॥
माझ्या अत्यांच्या येण्यात
स्मृतींची सुगंधी पर्वणी
तिच्या सहवासात
जीवन गाण्या गवसणी ॥
यमाई औंध,राजेंद्र गुरव
९५६११५४१४०
Comments
Post a Comment