Kahi kavita

 [02/10, 10:22 AM] यमाई औंध ,राजेंद्र गुरव: स्थिती :

गुलामगिरीची जणू भारता परंपरा

बद्ध कित्येकदा परतंत्राने धरा 

जळूनी मेली  मुर्दाड मती

परशक्ती पुढे कोणाची छाती ॥

विविध भाग,भिन्न संस्कृती

५५० संस्थानी तुकडे

भाषा,भूषा ,विविध गती

त्यास एकात्मतेचे साकडे ॥

आपल्याच नादी सामान्यांचे जगणे

सत्ताधीश कोण ? ना देणे घेणे

बेडकांचे जणू डबके विहरणे

जगणे असे जणू शतदा मरणे ॥

म गांधी :

हे राष्ट्र आपले आहे

सर्वांस दिली स्वःची जाणीव

दया उधळूनी गुलामगिरी..

मनामनातील जागवी नेणीव ॥

एकटा काय करू ? ना बाळगू खंत

ठाम करू जरी सुरवात संत 

मग ब्रिटीश सत्तेचा करूया अंत

रूजविला प्रयत्ने मंत्र जनमानसात ॥

प्रश्नांच्या मूळाशी जाणे

निर्भयतेने त्याला भिडणे

उत्तरासाठी सदैव झगडणे

माणसांचे मग आतून घडणे ॥

माणूस माणूस हृदय जोडले

एक भारतीयत्व सद्कार्ये घडले

अनेक त्यागी जीवन सांडले

काळाशी स्वातंत्र्यसमर मांडले ॥

राष्ट्र जोडणी पेरुणी ममता

अखंड एकसंघ सांधली जनता

नेताजी जाणे आपुला राष्ट्रपिता

जग वंदीते उत्तुंग महात्मा ॥

@राजेंद्र गुरव

[04/10, 10:56 AM] यमाई औंध ,राजेंद्र गुरव: *सांजवेळी*

निष्पर्ण वृक्षाखाली

पडला आठवणींचा सडा

घ्या भरुनी ओंजळ

गुंतुनी गतकाळा भिडा ॥

ना राहिले गुंजण

पर्ण-लतिकेंचे सहाबहार

ना मोहणारी फुले

खुणा अंगाखांदयावर ॥

हा सडा आता पुनः

भूतकाळाचा साक्षीदार

वैभवशाली कालची

प्रतिबिंबे उमटवणार II

तुम्हां आता वेचायचे?

ते वाकूनी वेचा

टाचाखाली हव्या तर

थोडया कळ्या ठेचा ॥

 ॥ .

दात पडूनी मागे

हिरडया राहील्या

काळचक्रा पायी 

कार्यपंक्ती वाहिल्या ॥

आता हास्य हे 

भासे दंतहीन भेसूर

शोधा मधाळ त्यातही

सापडे अनुभवी सूर ॥

माझ्या वेदनांचे गाणे

सजवती माझी अंगणे

सांजवेळी तिरीप किरणांची

खुणावती क्षितीजे ॥

[06/10, 8:40 AM] यमाई औंध ,राजेंद्र गुरव: अनुभवांचा मेळा

सुरूकत्यांच्या वेळा ॥

एक एक आठी

अनेक आठवणी पाठी

एक एक सुरुकूती

जीवना नितअनुभूती ॥

हा अनुभवांचा

रसाळ कुंभमेळा

जीवनात क्वचित 

अशा साधती वेळा ॥

जीवनात चाले ना बहाणा 

पुढच्यास ठेचा मागचा शहाणा ॥

पांथस्तानो बसा सावलीला

ऐका,अनुभवा त्यांच्या लिला ॥

[07/10, 7:31 PM] यमाई औंध ,राजेंद्र गुरव: 🌹 ती मुग्ध कळी

ती मुग्ध स्तब्ध कळी

मनात रुतूनी बसली 

जणू लावण्याची खणी

तारुण्यतिरावरी वसली ॥

शब्द अबोल मुग्धबालेचे

परी अस्तीत्व बोलते

मंतरलेल्या बहूलोकांची

नजर  सदा ती तोलते ॥

ओढूनी घेतो गंध

करी हालचाली मंद

हेलपाटी जीवाला

लावी आगळा छंद ॥

नजर करी काबीज

विचार बीज ओढुनी

गुंजारती नित भ्रमर

लोकलज्जा सोडुनी ॥

ढळला हिरवा पदर

अवचित माथ्यांवरूनी

गुलाबी रहस्य सदर

वाहते ओसांडूनी ॥

भ्रमराची बाधी होऊनी

कित्येक झाले भ्रमित

वर ' प्राप्त एखादयास

बाकी नको ठरू शापीत ॥

[08/10, 9:49 AM] यमाई औंध ,राजेंद्र गुरव: या आव्हानीत दाही दिशा

असोत कवेत माझ्या

सूर्योदयाची नितनवा प्रारंभ

कर्तृत्वाच्या आठवणी ताज्या ॥

तेजाच्या अमृत शिंपनाने

गात्रे पुलकीत व्हावी

वाऱ्याच्या मंद लहरीने

रोम रोम रोमांचीत व्हावी ॥

.

नवीन स्वप्ने पडावी

तेजोनिधी झगमगताना

पुन्हा उमेद घडावी

पहाट -रात जागविताना ॥

कर्तृत्वाचा विशाल पट

विस्तृर्ण उलगडत यावा

क्षितीजरेषा विलीन व्हावी

पल्याड जाण्या योग यावा ॥